HERRI MUSIKAREN SONORIZAZIOA

XVI. Kultura Tradizionalaren gaineko Gai Bakarreko Ikastaroak - 2003ko ikasturtea

Folklorearen alorrean egiten diren lanak bultzatu asmoz, aurten, urtero bezala,  Ortzadarrek  XVI. Kultura Tradizionalaren gaineko Gai Bakarreko Ikastaroak aurkezten dizkizue. Folklore taldeetako kideen heziketa eskaera eta beharrei erantzun ematea dute helburu.

Jakin badakigu folklore ikuskizunetan berebiziko garrantzia duela herri musika egoki sonorizatzeak, hori dela eta, aurtengo ikastaroan herri musika taldeak sonorizatzen ikasiko dugu eta hau gauzatzeko beharrezko diren teknikak ere ezagutu  ditugu.

Izen handiko soinu teknikariek elektronikaren teoriaz eta soinu-ekipoaren muntaiaz oinarrizko ezagutzak irakatsiko dizkigute. Horrezaz gain, musikaren munduko hainbat alorretan luze aritutako aditu baten laguntza izanen dugu, herri musika taldeen sonorizazio berezitasunetan sakonduko duena.

Ikastaroaren edukia honakoa da:

• Aurkezpena eta soinu teknikariaren zereginak.
• Elektronikaren teoria oinarria. Soinua eta haren osagaiak.
• Anplifikadoreak, soinu-mahaia.
• Kableak, konektoreak eta konexioak, oro har. Kableen banaketa eta konektore berrien sortze praktika.
• Soinu-ekipoaren mantenimendua.
• Soinu-ekipoaren instalazio praktikak toki ezberdinetan.
• Herri musika tresna taldeen sonorizazio saioak toki ezberdinetan.
• Efektu anitzak eta soinu prozesatzaileak.
• Soinu estudio batera bisita.
• Ikastaroak aurrera egin ahala, irakasleen esku izanen da gaitegian aldaketak egitea, egoki baderitzote.