AINTZINAKO ORRAZKEREN IKASTAROA

XVII Kultura tradizionalaren gaineko gai-bakarreko ikastaroa - 2004ko ikasturtea

Ortzadar Euskal Folklore taldea, tradizio kulturaren ikerketak garatzeko eta zabaltzeko asmoz,  tradizio kulturaren gaineko gai bakarreko ikastaroak antolatzen ditu. Aurtengo ikastaroa emakume eta gizonen antzinako orrazkeren azterketa eta ikasketaz izanen da.

Ikastaroaren zuzendari eta arduraduna Ramon Garcia izanen da. Oreretako Iraultza taldeko kidea da, tradizio janzkeraren ikertzaile, tradizio dantza lehiaketetan, maskarada eta pastoraletan janzkera diseinugile, eta Orzadar taldearekin hainbatetan parte hartua, ikastaro eta jardunaldietan, bertzeak bertze.

Ikastaroak bilduko duen gaitegia honakoa da:

• Janzkera eta orrazkeraren historia
• Orrazkeren erranahia.
• Orrazkeren geografia eremu eta hedadurak.
• Dantza taldeen tradizio estetika edo itxura.
• Orrazkera praktika: txirikordak, mototsak, zapiak...
• Emakumezko zein gizonezkoen orrazkera (tokadoak) praktika.